Tinubu Don Reach Paris To Continue Eim Annual Leave

President Bola Tinubu don dey Paris, France, as e continue eim three-week annual leave for Europe

Tinubu don reach Paris, France on Sunday, where Nigeria Ambassador to France, Emmanuel Ayodele Oke, welcome am.

President Tinubu comot from Abuja on August 30, 2026 to start him holiday for London, United Kingdom, before e travel go Paris to continue the next part of the holiday.

Special Adviser to the President on Information and Strategy, Bayo Onanuga, bin announce the holiday for statement wey e release on August 30.

For the statement wey carry the title “President Tinubu Begins Three-Week Leave,” Onanuga say Tinubu go return to Abuja after the holiday and join the campaign for the January 2027 general election.

Tinubu holiday start about one week after All Progressives Congress (APC) release the list of members for the 2027 Presidential Campaign Council.

The list name Tinubu as Chairman of the council, while Vice President Kashim Shettima dey serve as Vice Chairman.

Tinubu arrival for Paris mean say him holiday don continue after him stay for London, and dem expect am to return Nigeria after the three-week break.