One socio-political group from Nigeria Middle Belt don yan say dem wan make former president Goodluck Jonathan return enter politics and try contest the 2027 presidential election.
Di group talk say Jonathan experience and leadership fit help solve current wahala wey dey Nigeria, like economic and security challenges. Dem still yan say plenty people still dey support am for different parts of the country, and him style of leadership fit bring correct guidance wey Nigeria need now.
According to di group, Jonathan record when eim dey office and eim democratic approach make am strong candidate if eim decide to run again.
“Jonathan still be seasoned political leader,” di group talk, “and eim experience fit help Nigeria waka for dis difficult times.”
Jonathan serve as Nigeria president from 2010 to 2015 after di death of President Umaru Musa Yar’Adua. Eim later lose di 2015 election to Muhammadu Buhari, but eim accept defeat peacefully, everybody praise am both inside and outside Nigeria.
Di Middle Belt group talk say Nigeria dey face serious economic and security wahala, so dem need leaders wey get experience. Dem yan say Jonathan leadership style and how eim strengthen democratic institutions still dey important for many Nigerians.
Lately, other advocacy groups and political movements don also want make Jonathan think about coming back to politics for 2027.
But till now, Jonathan never talk publicly whether eim go run am or not. Political analysts talk say discussion about possible candidates for 2027 election go continue as parties dey prepare early for di vote.
