Lagos State Government don announce say dem go divert traffic for Independence Bridge for Lagos Island from Friday night, October 16, reach Sunday, October 18, 2026, make Federal Ministry of Works fit do urgent asphalt repair work for the bridge.
Statement wey Lagos State Commissioner for Transportation, Oluwaseun Osiyemi, sign na im carry this announcement.
Di statement talk say di repair work go continue throughout Saturday and Sunday. Dem go dey close some parts of di bridge small-small, one after another, but dem go leave one lane open make motorists fit pass.
Di statement talk say, “Dem go divert traffic for Independence Bridge for Lagos Island as Federal Ministry of Works begin urgent repair work for di bridge.”
Di government talk say dem go send officials of Lagos State Traffic Management Authority (LASTMA) go di area to control traffic and reduce delay.
Dem advise motorists make dem use other roads, give demself extra time for journey, obey traffic rules and cooperate with traffic officials throughout di period wey di repair work go last.
Comments
Add a comment