On Air Now

Non Stop Music

11:00pm - 6:00am

Fire don destroy People Stores for one Mall inside Lagos

You are viewing content from Wazobia FM Onitsha. Would you like to make this your preferred location?

Shop owners dey count dia losses to fire wey start for one shopping mall inside Victoria Island, Lagos.

Eyewitnesses tok say the fire start on Wednesday before 3am for the ground floor of the one-story building for Ligali Ayorinde Street.

Some people tok say dem try to off the fire but e no work.

“The fire start before 3 o’clock,” na wetin one witness tell our sista station.

“It start from downstairs from one electrical junction box. E get one junction box wey dey control all the lights, na there e start from.

“It start from there and e move enta battery shops, and from there to the tire and plumbing plastics shops.”

Fire fighters from the Lagos State Fire and Rescue Service later come to start the process to quench the fire.

Three backup trucks land after the water for the first truck finish, according to wetin the witness tok.

“One first come but the water finish. The fire increase before the others come.”

Traders dey rush remove their goods from the mall as the fire dey increase and the firefighters dey battle am.

The fire don off now.
 


Onitsha Weather

  • Onitsha

    Sunny

    High: 38°C | Low: 27°C