Hot Tori from Thursday, February 26th, 2026

Rule of Law and Accountability Advocacy Centre (RULAAC) don call for urgent investigation into wetin dem describe as assassination threat against former presidential candidate, Peter Obi.

Minister of Works, Senator David Umahi, don deny say e use police intimidate or pursue one woman wey claim say e owe am money, as e talk say the matter dey with investigators.

Work for National Agency for Food and Drug Administration and Control (NAFDAC) Lagos office scatter on Wednesday after members of one workers’ union block the entrance and exit in protest against the agency enforcement of ban on sachet and small-bottle alcohol.

President Bola Tinubu don tell Acting Inspector General of Police, Olatunji Disu, make e restore peace and strengthen security for the whole country. Dem give the directive during Disu decoration ceremony for State House, Abuja. Disu appointment come after former Inspector General of Police, Kayode Egbetokun, retire, and the appointment still dey wait ratification from Nigeria Police Council plus confirmation from Senate.