Nothing person no go see for this world oooo, this kind mata wey come enta women's corner eh na real wa oooo. Papa give eim new born baby boy herpes after eim catch outside.
Cheche Smith tok sorry of woman wey her family dey vex for her because of gbege wey she hide from dem about wetin her husband do to dia pikin.
The woman husband go cheat on her, come get herpes wey be disease wey they spread wen person sleep with anoda person or kiss anoda person. Him no know say eim don get am come go carry dia pikin, na so the pikin take carry am.
After dem notice the sign for the pikin body Naim dem carry the pikin go hospital, the doctor say all of dem go do test. Na so dem see say na only the man get the disease.
The man come tell eim wife say na because eim cheat on her na how eim take get am. Now her family dey vex say she forgive the man after eim put the pikin and her for danger.
Na so Cheche come ask ontop Women's corner if the woman do bad as she forgive the man even though the man put eim family for danger?
Watch to see wetin people wey chook mouth ontop the mata get to tok for the mata.
Raphael Camidoh Kofi Attachie, Ghanaian Afropop, R&B and Afrobeats songwriter and musician. Enta we #ChookMouthStudio to tok about eim new jam wey eim collabo with Mavin records Nigerian born singer and songwriter, Alexander Adelabu wey pipu know as Magixx.
On 10th October, the world join bodi togeda to mark world mental health day. And this one na day wey the world dey come to shine light ontop the mata of mental health and why e dey important for everi bodi to take am serious.