Oga for Agriculture and everything wey concern food for Nigeria, Honourable Abubakar Kyari, talk say Nigeria don dey run package wey go fit allow us organize food without anybody help.
Hon. Kyari talk say government don dey run one or two to make price of food drop, make farmers fit dey grow food well, fit to sell am on time because people go fit buy am chop.
Hon. Kyari bin dey yarn news pipo for Abuja on Friday when he yarn this thing. He talk say workings wey government dey run don dey show, because price of some kind food don dey drop for market and e don dey plenty sef.
E talk say this thing wey dey happen, na government plan to make sure say farmers fit to see seeds to take plant different food wey go make sure say Nigerians no go find food.
Our food oga bin reason news pipo about how Nigeria take follow FAO-Turkey-Nigeria “South–South Cooperation” programme and other projects for make this package fit work as e suppose. Now, farmers don dey go farm for dry season and beta seeds don dey ground.
Kyari also talk say government wan make sure say all these things no go stop soon, so dem dey put body to make sure say beta seeds dey, water dey for farming work, and business pipo fit put body to help farmers do their work wella.
One thing wey e talk wey dey important na say Nigeria get land plenty — about 70 million hectares — but na only about 20% farmers dey see use. He come talks ay this thing na opportunity for investment.
Kyari also talk some of the problems wey dey block this package: transport wahala, storage wahala, security wahala, and pipo wey dey do wayo and mago mago.
E come talk say all these things go need better money to run, and make government put body finish. As e talk, “If we get beta seeds, our farmers no go get issue. If we guide our seeds dem, food go surplus for we kontri.”
