Na sad news wey land for Nollywood family as veteran actor, Tom Njemanze, don kpai afta serious fight wit prostate cancer. Na movie producer, Stanley Ontop, break the news say Njemanze waka go meet Baba God on Friday for him Instagram page.
Stanley talk say dem try all dem fit to save am, but e no work. E describe him death as "another big loss for Nollywood."
He yarn say:
"Na sad time again as we just hear from Tom Njemanze family say him don give up fight and don pass away yesterday. Make him soul rest in peace. We try our best, but na God get final say. Nollywood don lose another legend.”
As the news break, fans and colleagues begin drop condolence messages full everywhere.
Before Njemanze kpai, Stanley bin beg make people help with money for urgent surgery wey him need. Tom Njemanze start him acting waka for the 1990s, and he act for plenty popular films like Tokunboh, Pounds and Dollars, Atosa, Issakaba, Osuofia in London, Brain Box, and Igbotic Love.
