Pipu Wey Appreciate Gospel Music Dey Pay -BEEJAY SAX

One of we obodo naija biggest gospel saxophonist, Abolaji David Banjoko, wey also be Beejay Sax. Enta we studio to follow Yaw tok about wetin pipu go expect wen dem come "praise jam" The resurrection 2022.

The gospel concert wey dey happen on the 18th of April 2022, go get plenti plenti gospel acts, from music to even comedy sef. And na for inside the Eko hotel convention center naim e dey happen.

Beejay wey be one of the special guest artist wey dey perform tok for the siddon tok with yaw. say anybody wey dey come "PraiseJam" suppose come with shoe wey go allow dem fit dance, becos eim don ready follow dem  praise baba God wella.

Yaw come ask am about the mata of to dey pay pipu wey dey do gospel music, abi na God work dem dey do after all? But Beejay tok say "Pipu wey appreciate gospel music dey pay, If dem no pay we no dey go.

Apart for Beejay Sax other artist wey go dey "Praise Jam" The Resurrection 2022, na Tope Alabi, Mike Abdul, Eben, Akpororo, EmmaOhMyGod, Mercy Chinwo, and plenti others.

More from You and Yaw

Today's Weather

  • Lagos

    Light rain

    High: 30°C | Low: 26°C