Donald Trump don drag Pope Leo XIV for social media, call am “person wey weak for crime matter” and say eim no sabi foreign policy, inside public fight wey dey rise between two figures.
Dis quarrel start after di Pope talk against di war wey involve America and Iran, no good and e dangerous.
Trump come write say: “Pope Leo weak for crime and eim no good for foreign policy.”
Eim still talk say: “I no want Pope wey believe say e better make Iran get nuclear weapon.”
Later, Trump talk say eim no too like di Pope, e call am “very liberal person.”
For Vatican, dem never reply officially, but some Catholic leaders don react.
One Archbishop, Paul Coakley, say di talk pain am, and say: “Pope no be politician, na to care for people soul eim dey talk.”
Meanwhile, Pope Leo wey be di first American Pope don dey always talk say make peace reign and say religion no suppose be reason to fight war.
Eim even talk say: “God no dey support any war.”
