Court Give Man Life Sentence Becos Eim Touchlight Eim 3 Daughters

You are viewing content from Wazobia FM Abuja. Would you like to make this your preferred location?

Lagos High Court don yan say Samuel Ademola Oladimeji go siddon for prison three times life for di way wey him carry do im three pikin wey him sexually abuse.

Lagos State Domestic and Sexual Violence Agency (Lagos DSVA) talk am say dem go put Oladimeji name for the Sexual Offenders Register wey di state dey keep.

Justice Sholadoye of di Special Offences Court na him dey in charge of di mata, talk say di people wey dey carry di matter waka come bring five witnesses, including di three girls wey suffer di sexual yawa, their mama, and di Investigating Police Officer (IPO) from Ilupeju Police Station's Family Support Unit.

The matter happen as di mama yan say her three pikin talk say dem dey feel pain for their private parts. After di tori land, dem carry di pikin go Mirabel Centre make dem run test, and e show say dem don waka enter sexual gbege.

Justice Sholadoye talk say di people wey dey prosecute di matter show strong evidence, and e talk say di tory wey Oladimeji yan no follow for di matter as e dey try deny imsef from di yawa.

The court yan say di pikin truly suffer sexual gbege through penetration, and di people wey dey drag di matter talk say dem show enough evidence wey talk say Oladimeji really do di bad bad thing.

Na so dem give Oladimeji three life sentences wey go dey at di same time. Justice Sholadoye still talk say make dem put di name of di man inside di Lagos State Sexual Offences Register.

Lagos DSVA salute di family wey di pikin come from for no gree make di matter waka comot, and dem still talk say Lagos no go gree make dis kind yawa dey. Dem still yan say di justice wheel dey turn, and people wey do dis kind tin go still answer for wetin dem do.

Dem come beg Lagos people make dem help di agency dey break di silence tradition, and still talk say make anybody wey get any tori about domestic or sexual gbege make e call dia Toll-Free Line – 08000 333 333.

This tori come show say government dey waka wella to make sure say dem hold people wey dey do sexual yawa accountable for wetin dem do. E also show say Lagos people go fit waka free make dem talk if any bad tin dey happen, and dem dey ready to help anybody wey need support.


Abuja Weather

  • Abuja

    Thundery shower

    High: 28°C | Low: 21°C