Home 
Presenters Lagos Matse
Presenters Lagos Matse
| AC don talk say we acting presido no go fit do too much |
 |
 |
 |
|
Action Congress don talk say we acting presido Goodluck Jonathan no go fit do too much as pre say na d same people still dey 4 inside d federal executive council,for inside him talk,National talk seke,Lai Mohammed him say d FEC people no dey do nothing and say dem selfish. Him come join say na beta men and women wey get beta mind,Nigeria need 4 inside d FEC. Meanwilly,FEC people dey 4 fight corner to take begin waka ontop d law of section 144 of we law book. Dis one dey even as National Assembly don carry give Goodluck Jonathan as Acting Presido 4 last Tuesday,d meeting of the Nigeria Political Parties,talk say dem need do waka ontop dis law and say na dis one go bring beta solution 4 inside d gbege wey dey ground. Senate Presido David Mark don yarn say him standa gidigba to take do make peace,and beta govament 4 dey Naija. Senate presido talk say no country fit do witout security 4 him people eit dem property.d senate presido say d National Assembly dey ground well well to take see say dis one fit sele 4 we country, Him come also talk say make we dey pray well well 4 presido Umaru Yar’Adua body. NNPC people don begin beta waka ontop fuel mata.Dem Group Talk Manager,Levi Ajuonuma talk say dem don range beta till March,him come also talk say 10 vessels don dey ground wey don discharge reach 288 million liters of fuel,while 1135 truckers of fuel don load fuel 4 NNPC and major market people place. The meeting of d Heads of State and Govament of d Economic Community of West African States(ECOWAS)go sele tomorrow,wey dem go drop Presido Umaru Yar’Adua as dem Chairman dey Saudi Arabia 4 bodi mata. ECOWAS people talk say dem go choose new chairman 4 dis dem meeting and na d chairman go carry waka 4 inside 2010. Kenya presido Muai Kibaki don provoke ontop d two govament ministers wey d prime minister suspend ontop wuru wuru mata. D ministers of agriculture and education na him ie suspend ontop money wey miss,but afta dem comot d suspension ,Mr Kibai talk say Mr Odinga bin no get authority to take suspend dem,d two ministers don deny d mata. US seke of state,Hillary Clinton,say US ready to take do peace wit Iran,but no b as dem dey do bomb. She bin talk 4 one US Islamic World Meeting 4 Qatar him say d west dey follow Iran talk make dem change mind ontop dem dangerous policy decision. |