Agbalaga’s dem and b4b4 presido Shehu Shagari don go see we vice presido Goodluck Jonathan 4 Abuja becos of we obodo.

We ogbonge people don carry like 109 people go court 4 d Boko Haram mata.

Kenya law people don gree to comot d office of prime minister.

US senate don gree make dem punish Iran more more.

Some agbalaba and b4b4 presido Shehu shagari yesterday don go see we vice presido Goodluck 4 abuja,b4b4 vice presido Alex Ekwuemi sef go,chief judge b4b4 Alfa Belgore,Idris Kutigi and b4b4 defence minister Theophilus Danjuma,all of dem follow go,retired Lt General Danjuma tell press people dat dem come talk to am about wetin dey sheli 4 we obodo.

These group sef go see we senate presido David Mark,we presido b4b4 Shehu Shagari carry letta give am on wetin dem tink say make dem do about tins and oga 4 senate Mark say senate tank dem well well 4 d greet dem come greet am and dem use try to use d old age wisdom to tink well.

Meanwilly d talk wey secretary talk say we presido Umaru Yar’Adua go fit do him work no follow we law book at all,Lagos Lawyer Laborious Oshoma hala say sec. 144 of we law book say dem fit comot presido 4 chair if 2/3 member vote for comot. Barr. Oshoma talk to Ijeoma Okoye, im say na after dem don geti doctor report and National Assembly don see am.

Anyway som law people 4 house wan make dem push we presido comot Umaru Yar’Adua 4 chair as him no dey for 67 days and him no tell National Assembly say him dey comot. Dis people don write leta to him so dat him go write to National Assembly as d law talk. And if him no gree den dem go do as dem suppose.

Lagos government don talk say Bar Beach fit get plenty water because of wetin happen for Haiti. Babatunde Fashola talk dis after dey talk talk dem do 4 state house press people him say make we protect we  domot from wetin fit happen becos of weda wey don change,Him say dem don hold d mata of plenty water as rain go start we Esther Oyegue 4 tori say dem don start to range all the gutter wey dey.

Meanwilly Governor Babatunde Fashola don salute lagos people as dem support 4 all him dey do to make lagos mega city,governor talk dis as him talk to press people 4 government house 4 marina.

Governor Fashola talk to Esther Oyegue 4 tori say all d beta dem don do 4 no dey possible if lagos people no chook hand 4 him hand,he say make dem continue to dey support am and make dem dey follow we law 4 everytin dem dey do.

Anyway Lagos House don choice 6 man to check all dis amebo talk talk of choping money dem write 4 one newspaper dey hala say governor Fashola and b4b4 governor Bola Tinubu dey chop de people tax money any how and say all d law people dey collect money to quite on all d badness wey happen.

We ogbonge government talk say dem don carry like 109 people go court becos of dis Boko Haram mata wey happen 4 borno,dem say dis Boko Haram no like make people learn book and started to show craze 4 august 2009 and kaputing people any how Attorney General of we country ,Micheal Aondoakaa say d kaputing of people punishment na kaput and all dis bad people use guns,bomb and tins to do d bad.